石詠莉抗拒加工 素顏冧男友

藝人石詠莉與「2015年中華才藝小姐國際大賽」冠軍管于廷、亞軍周雨熙及季軍鍾佳紋等,昨日到銅鑼灣出席活動。石詠莉被問到會否接受醫學美容﹖她說:「唔會,另一半(指男友鄧健泓)對我都好滿意,自己有唔少缺陷,但化妝彌補到。(男友唔鍾意後天加工﹖)係,佢連我化妝都唔鍾意,佢鍾意我真面目喎!」近期鄧健泓在電台開咪,石詠莉自言為撐男友每晚收聽變成熊貓眼。

管于廷月尾將參加全球賽事與15位各國佳麗角逐殊榮:「到時會考口才同才藝,才藝會表演鋼管舞。」