何傲兒守身如玉：做人要有口德

藝人何傲兒（Lily）去年九月與周子揚分手後，隨即男方竟爆大鑊指遭何父施壓分手收場，聲稱Lily姐姐何傲芝曾向他苛索近廿萬生活費，隨即Lily和何傲芝發聲明否認。而上周周子揚突改口風，指自己「激動咗」，並言跟何家關係友好，怎料昨Lily出席活動時，透露上周已與何傲芝向周子揚發出律師信：「呢個人愈講愈過份，我係有責任去捍衞我屋企人，律師信已經寄咗去佢屋企，佢應該收到。（目的係？）想佢公開道歉。（限期？）細節方面唔講，已經交咗畀律師處理。（仲有冇聯絡？）由九月份開始冇聯絡，最唔開心係影響我成家人，係最唔舒服。（佢突然轉口風！）我唔知點解佢會咁講。」

分手疑男方劈腿

自言是虔誠天主教徒的Lily，暗示還是處女之身，她說：「我都仲係好虔誠天主教徒，守住好多嘢。（守身如玉？）守住好多嘢，好多教規。（因性方面分手？）我份人好專一，周生最清楚。（周子揚劈腿？）佢最清楚。爸爸教我做人要有口德，呢個係你自己嘅修為。」

兩人分手後爆出不少風波，何傲兒已向周子揚發出律師信。	何傲兒與黃智雯出席賀年活動，即場寫揮春！	何傲芝與妹妹同樣要求周子揚道歉。

講到她與林建名緋聞，她則帶點勞氣指大家只是上司下屬關係：「上次我加盟新公司佢送畀我粒鑽石，只係sponsorship，如果係幾百萬嘅話我唔使做得咁辛苦啦，呢樣都好影響我。」她希望今年找到真命天子並遠離是非。而何傲芝則透過電話表示，指感情事待他們回應，相信妹妹沒有針對任何事或人。

林建名支持決定

而周子揚昨在電話訪問時，承認收到律師信，已交由律師處理：「可能係抑壓太耐有感而發，我承認激動咗，我哋曾經有段美好感情，因為係公眾人物，要講晒畀全港人睇，咁唔健康！（何傲兒暗示你有第三者？）我到依家都仲係單身！」提到何傲兒要謹守教規，問到他有否與對方有親熱行為，他說：「吓？呢啲都要講，太尷尬啦！（分手原因？）唔關事，分手係因各方面有壓力！」

而林建名接受電話訪問時，表示對傲兒向周子揚出律師信表支持：「我梗係撐佢啦，我唔知內情，但據我所知道係有人亂咁噏嘢，佢亂講係會影響傲兒嘅事業。」問到跟何傲兒的緋聞？他說：「一向都係賓主關係，我連佢手仔都未拖過o架。」

文：專案組