陳寶珠滿足戲癮樂意欠飛債

阿嗲（左）與寶珠將領銜主演《牡丹亭驚夢》，寶珠表示已欠下一身飛債。

逾百萬打造戲服

寶珠、阿嗲與美術及造型總監奚仲文等人飯局時，寶珠談到已欠下一身飛債，她笑言：「戲迷同朋友追到我索氣，有啲仲包場睇，或者睇足咁多場，好多謝佢哋嘅踴躍支持，我最鍾意就係欠飛債，歡迎大家追我，追到索氣仲好！」阿嗲說：「大家真係好支持，我唔介意欠飛債，愈多愈好呢！我好願意償還呢啲債！」

• 造型總監奚仲文（右二）負責打造精緻的戲服，阿嗲笑言要做隻「靚鬼」。

寶珠提到早前為《牡丹亭驚夢》拍攝放在紅磡海底隧道口的大型宣傳海報，她與阿嗲的純白戲服襯到絕！兩人更戲癮大發，接連擺出多個不同做手！寶珠指這次演出不惜工本，全體演員的戲服花費接近7位數字，一絲不苟，務求令觀眾欣賞到優雅和美感！阿嗲則說：「我演富家千金，有兩場戲要變女鬼，戲服變化多，海報套戲服係第一件完成嘅戲服，我對仲文嘅設計有信心，我要做到鬼火咁靚嘅鬼！」

文：影視組