張可頤前晚出席活動大談理財心得，問到可有試過投資被騙？她笑言：「有，講起想喊，試過畀人呃，股票冇時間睇又有，夾夾埋埋都損失六、七位數字。」至於工作方面，可頤望嘗試電影幕後製作，寫劇本或做監製：「自己成日拍嚴肅題材，反而想寫啲輕鬆古仔，好似用蘿蔔糕呢啲傳統食物帶出故事，依家周圍去拜師學藝。」
