吳業坤2016桃花旺 戀情波折多
《東網巨星》娛樂節目《玄學星相》播出後，反應熱烈深受觀眾歡迎。最新一集，由堪輿學家雲文子以玄學角度和大家全面分析「新人王」吳業坤的愛情和事業運！捱足五年終捱出頭，由「棋子」變「王子」的歌手吳業坤，在頒獎禮勇奪「新人金獎」喊到眼鏡霧起，感動萬千觀眾！緋聞女友龔嘉欣更在微博疑似隔空示愛留言：「我願意成為你的陽光」，令兩人緋聞浮面。
咁到底兩人夾唔夾？雙方有冇發展機會？雲文子說：「喺奇門遁甲嘅命盤，見到吳業坤同龔嘉欣嘅格局冇相剋，所以做知己好友絕對冇問題，但係有啲相沖，所以要發展一段長而穩定嘅情侶關係，就可能比較多波折喇。」
女人湯圓唔靠樣
貴為樂壇新人王，緋聞對象點止一個？組合《Super Girls》的AKA，女神黃翠如亦發文力撐，坤坤的異性緣是否極強？雲文子說：「見到吳業坤本身命宮有『休門』帶『玄武』同佢相生，所以佢絕對唔係靠樣，但係女人緣非常之旺！而且喺2016年入春之後，佢嘅桃花會開始旺，所以絕對唔需要太過急嘅。而且桃花亦都代表人緣，所以對工作事業絕對有幫助。」
講完愛情到事業，吳業坤在2016年到底會否繼續成為紅人？想繼續聽師傳點講？只要Click入《東網巨星》的「視娛樂」，睇《玄學星相》就更啱Feel！
【 http://goo.gl/WVzBkk 】
文：專案組