李思捷乞網友憎：我冇殺人全家
藝人李思捷和單立文的節目《今晚睇李》愈發愈大，最近更演變為《今晚豹制李》，大搞演唱會將節目搬上大舞台！二人在《東網電視》節目《娛樂onShow》上接受主持人Angela訪問，表示這場騷將會很「爆」！提到思捷成為網上最討厭人物選舉頭三位，他即時反擊：「我冇犯法，我冇殺人全家，咁就OK啦！」
藝人李思捷和單立文的節目《今晚睇李》反應不俗，目前二人更準備開《今晚豹制李》演唱會。二人在《東網電視》節目《娛樂onShow》中，接受主持人Angela訪問，大談「豹制李」的演變史！原來思捷一開始未有預計過節目會愈拍愈多集數，他謂：「初初諗住做八集，點知公司叫做多三集，變十一集，之後公司又話做多十幾集，變咗廿八集，最後就三十二集添！」但亦因為多了一起合作的時間，令兩人萌生開演唱會的念頭，他們還透露《今晚豹制李》會更「爆」，單立文說：「電視冇得睇，我哋就搬上舞台！」
期間又講到思捷成為網上最討厭人物選舉的頭三位，他即時好大反應，為此作出反擊：「我都唔知我做咗咩嚟，你話如果我做咗啲嘢係影響社會或者年輕人，尤其是影響到我屋企人，我都會覺得自己討厭。但我冇犯法，我冇殺人全家，咁就OK啦！」
吃不到的葡萄
而單立文又提到同樣榜上有名的「宇宙G.E.M.」，他就以「蛟龍」比喻G.E.M.說：「好似G.E.M.咁，佢放眼國際，所以佢開頭部署上，會疏忽香港市場，唔應該蛟龍困於池塘，咁就拎呢條蛟龍扔出去，但香港人覺得呢條蛟龍唔返嚟，飛咗上天，所以就有少少吃不到葡萄係酸的嘅心態。」想知更多爆料？記得留意星期一至五的《娛樂onShow》啦！
文：專案組