正籌備演唱會的陳慧嫻最近接受有線節目訪問，她透露今次演唱會比以往跳得更多。問到可有被跳舞考起？陳慧嫻笑說：「始終我唔係唱跳歌手，已經進步咗，以前跳得仲恐怖，成隻蟹咁！」陳慧嫻透露正在收歌，但暫時未有歌曲能感動她：「暫時我覺得自己最有代表性嘅歌都係《傻女》。好多時歌曲都係公司畀我嘅框框，唔係反映真我，今時今日我對愛情比較淡化，如果依家再失戀，唔會係一件咩大事！」
