亞視前執行董事葉家寶昨日最後一日返工，今日起正式離職前休假。他昨午與副總裁趙汝強、助理副總裁梁小蕙、公關科高級經理黃守東及製作、藝員部同事共進午餐。

家寶坦言百感交集：「正式離職日係明年3月10日，我喺亞視工作超過25年，相當唔捨得，但自從去年10月中到今年12月，呢400日以嚟嘅官司經歷，令我百感交集，多得同事、親友嘅支持，當日講過：『會留守到最後一刻』，依家睇番有啲遺憾！」

家寶又透露未來大計：「我會先休息去旅行，新工作會同演藝有關，稍後公布。明年1月亦會出書，講經歷官司嘅感受。喺亞視多年經歷不同職位，呢段日子學到好多，感激亞視畀咁多經驗我！外界叫我做『亞姐之父』，我當《亞姐》係我BB！」亞視則公開感謝葉家寶，並指「公司對葉家寶作出的貢獻表示謝意。」