葉德嫻：化妝靚係奇迹

影后葉德嫻（Deanie）、邵美琪、江美儀、湯盈盈、關菊英、胡蓓蔚等昨日出席化妝師Stephen Lau作品集發布會，Deanie在台上大讚Stephen化得自己好靚，突然說：「佢將我化腐朽為神奇，係臨尾呢幾年最好嘅禮物！」之後她解釋說：「我冇病，聽我聲氣都有中氣，我大多數會活到90歲……唔死嘅話，呢個年紀化得靚係奇迹同難得。」提到幕前工作，她說：「藝人去到咁上下，演藝生涯比較弱。」雖然有電影洽談，但未能打動她，她希望飾演啟發人的電影：「我唔會執導，資金太大怕孭唔起，做好演員角色就得。」