吳若希避談 加簽無綫換獎

歌手吳若希（Jinny）以《眼淚的秘密》冧莊奪得「金曲金」，隨即有傳Jinny為「換獎」與無綫加簽了5年合約，再加上餘下的3年，即合共8年約。記者電話訪問到Jinny的合約問題，她未有正面回應：「我哋合約一早已經簽咗，唔關換唔換獎事，同埋昨日同老闆傾偈，佢話獎項係按TVB Fun同港大民調嘅指數頒獎，當然有啲歌手冇到就冇攞到啦，同埋有會計師行核實所有投票嘅分數，所以我都唔覺係關我合約事嘅。」當再追問是否加簽5年時，Jinny就以商業秘密為由拒絕回應。