Lea T.聖誕陪家人 豪送珠寶
女模Lea T.來自天主教國家斯洛伐克，對聖誕節非常重視，日前她化身火辣辣的聖誕女郎，穿上性感的聖誕服裝大騷美腿及事業線預早慶祝佳節，為寒冬添上熱辣辣的感覺。
Lea的家庭觀念很重，對她來說聖誕節是與家人共敘天倫的日子，而她每年也會返家鄉與家人慶祝，今年她的母親及胞妹會在聖誕期間來港，一家人首次在港歡度佳節，Lea早已安排好節目及禮物，她興奮地說：「媽咪想去睇大佛，細妹要去主題樂園，我仲買咗珠寶首飾畀媽咪，同好多衫畀妹妹，雖然用咗唔少錢，但一年一次冇計。」而Lea母親將帶同斯洛伐克的傳統聖誕菜式來港，包括酸忌廉大白菜湯、薯仔煮魚及手製曲奇等，令Lea大為期待。
寫信畀聖誕老人
提起聖誕，Lea坦言小時候十分天真，以為聖誕老人真的存在，每年也會寫信給對方，這個習慣直至十多歲才停止。談到斯洛伐克的聖誕習俗，她說：「我哋係好虔誠嘅天主教國家，聖誕當日直至晚餐前都唔可以食嘢，家庭主婦一整日都要忙住準備晚餐，到晚餐時間就可以食嘢同拆禮物，到凌晨12點就去教堂慶祝。當地嘅聖誕節好凍，有好多靚嘅雪山，聖誕我哋多數會滑雪。」
雖然單身仍開心
去年透露有男友的Lea自爆已經甩拖，她坦言以其喜歡周遊列國及結識新朋友的性格，很難與男友維持長久關係，問她會否想在聖誕節有男友相伴？她笑言：「我想一直都有，而唔止聖誕喎！哈哈！但我依家單身都好開心。」
文：名人組
化妝：Chelria Debard
髮型：Tim Chong
場地：時代廣場