Bob年少無知阻父母房事
藝人林盛斌（Bob）舉行talk show放笑彈，期間大講有味笑話、爆粗之餘，更擺父母房事上枱，又借草蜢名曲向老婆示愛，令全場起哄。Bob自評首晚表現值80分，見慣大場面的他坦言出場時緊張過自己結婚！
一連兩場的《Bob's up伊館2015》前晚揭開序幕，一開始Bob即大玩粗口諧音，又笑指自己是近年露兩點露得最多的藝人﹕「我叫阿Bob，即係Bra of the Best，承托力均勻，保護你乳暈！」隨後即大爆父母房事謂：「細個成家人同住一房，晚上聽到嘈雜人聲，起身問爸爸使唔使幫手，佢氣來氣喘話正幫緊媽媽揼骨按腳喎！」
寸城城父愛爆棚
Bob又自爆當初由電視營業員轉職DJ的瘀事說：「當時報道梅艷芳入醫院洗肝，點知我講成『洗肛』，屈咗梅姐，我好唔開心。」當談到自己與家中三位千金的父女情時，Bob竟借機tag去郭富城與內地模特兒方媛的「父女戀」﹕「啲人話我好有父愛，係喎同郭富城一樣，一手捉住軚盤、一手捉住個女仔隻手，真係好有愛！」
聽到尖叫嗌緊張
擔任表演嘉賓的草蜢，被Bob借他們的名曲《永遠愛著你》，向台下太太Pearl大展冧功，又發表愛的宣言：「每當我坐船去澳門，老婆總有辦法令我好安全返到屋企，多謝太太。」完騷後Bob受訪表示全晚表現自評80分，他稱開場時聽到尖叫聲，緊張過當日結婚，又指其實壓力很大。而聖誕節在即，Bob表示屆時會多抽時間陪伴家人。
文：影視組