栢芝空肚着靚衫

女星張栢芝日前到上海出席時裝界盛事，昨日風騷返抵香港，全程笑容滿面，她透露在活動上與韓國男團CNBLUE的鄭容和同場。現場有兩位忠實粉絲接機，見栢芝步出即上前遞上其主演的電影DVD給偶像簽名，心情靚靚的栢芝當然冇「托手(月爭)」，但當粉絲再遞上厚厚一疊相給她簽時，她面不改容反問：「咁我點畀返你？」最後她表示趕時間離開。
栢芝扮萌舉V與鄭容和合照。
栢芝扮萌舉V與鄭容和合照。

栢芝在活動當晚先後以粉色喱士晚裝及藍色Deep V晚裝現身，盡顯高貴氣質，為着靚衫更不惜空肚上陣：「套衫真係好靚，肥少少都冇可能着到，頒獎禮當日，我只係敢食早餐，中午之後冇再食嘢，怕個肚腩仔會走出嚟，哈哈！」

栢芝以透視低V亮相活動，大晒美好身材。
  • 栢芝以透視低V亮相活動，大晒美好身材。
栢芝回港時笑容滿面，為粉絲簽名。
  • 栢芝回港時笑容滿面，為粉絲簽名。