陳嘉桓拖台男睇星：慢慢了解
藝人陳嘉桓（Rose）昨日和何傲兒齊出席仁愛堂聖誕活動啟動儀式，Rose身穿短身上衣與及膝短裙，隱約露小蠻腰。受訪時她透露溜冰的經驗：「我記得之前同朋友去韓國，入到溜冰場我淨係扶住條欄杆，完全唔肯出去。」
講到聖誕節，Rose透露上星期跟一班朋友到台灣旅行看流星雨，同行有「重要朋友」：「我許咗好多個願。（許咩願？）乜都有啲，自己、家人、朋友都有許埋一份，希望願望成真。（一許完願就成功同隔籬嗰個拖手？）呢啲電影情節先有，不過嗰度凍，全部人都有一齊拖。」問到跟那位「重要朋友」可有發展機會？她表示：「都可能有啲，睇落去先。（對方係咩人？）台灣朋友，慢慢了解，識咗一段時間。（聖誕節同佢一齊過？）我嗰日要開工。（佢過嚟香港搵你？）未知呀，睇吓有冇機會。」