陳慧嫻女神變阿姨克勤照撐
歌手李克勤、許志安及陳慧嫻前晚錄影節目《陳慧嫻的千千闕歌》，克勤認識慧嫻廿多年，指對方近年改變不少，不管是當年的少男女神，抑或今日的「環球十三姨」，他都支持到底。
歌手李克勤、許志安前晚現身電視城，擔任無綫節目《陳慧嫻的千千闕歌》嘉賓，克勤指與慧嫻相識廿多年，更是入行後其最早認識的朋友之一，故接到對方的電話即答應支持，他說：「好鍾意依家嘅慧嫻，可能佢以前壓力好大、好緊張，依家就放鬆、好開心、好講得笑，我同阿倫封咗佢做環球十三姨。」他亦自爆曾將對方的海報貼在房內。
說到曾被克勤封為女神，她笑說：「佢讀嗰間學校成日搵我唱歌表演，十個男仔有八個都鍾意我，佢以為自己都係啫！」最近忙於宣傳活動的她，稍後會積極減肥十磅，準備到一、二月可以專心綵排演唱會。
安仔支持競投
許志安被問及師傅梅艷芳被拍賣的遺物中有內衣，安仔直言不開心，亦是尊嚴問題，他說：「呢件事喺社會運作上可能係啱，但人性立場就係零分，處理得極唔好！」他亦不清楚曾志偉是否請演藝人協會去競投拍賣品，至於會否支持？他表示有一定作用，亦希望喚醒大家的自律性。提到早前參加內地歌唱比賽《中國之星》的他被崔健批評唱廣東歌，他表示未有不開心，亦會繼續唱廣東歌，笑言：「我咩都冇，淨係夠膽，咩都試！」
文：影視組