古天樂私藏X-Wing戰機

古天樂想擁有「星戰」系列的BB-8機械人。

向來喜愛珍藏Figure的古天樂，透露很想擁有「星戰」系列中的BB-8機械人：「知道有隻係比例一比一，之前睇making of仲識郁，戰機都想收藏，但一比一放唔到，其實都有留意啲武器，好似十字光劍咁。（有否興趣添置貨倉擺放珍藏？）好想買隻一比一嘅X-Wing，但有引擎，入口要當飛機咁買，成幾十萬美金，不過我都收藏咗隻一比四嘅。（想唔想拍呢個系列嘅荷里活電影？）作為『星戰』迷梗係想，可以拍到條短片同出席首映已好榮幸。」談到無綫重播其舊作《尋秦記》，古天樂表示無暇欣賞，對於網友指其容貌依舊封他「美魔男」，他謂：「係咩？我都鍾意部劇，多謝咁多人支持。」

• 古天樂興奮與白兵合照。