安仔減20磅引小三

郭晉安昨以大野人造型出席新劇《致命復活》記招，同劇的萬綺雯（蚊蚊）及王浩信對安仔減20磅演出大表佩服，但安仔稱仍要再減：「仲要減5、6磅，個妝化咗3個鐘。（無綫考驗你？）可能認為我處理到，3月中會去越南外景。（劇中多小三？）但佢哋都冇好下場，至於親熱戲點拍，到時至知。」
萬綺雯、郭晉安
萬綺雯、郭晉安

蚊蚊稱被安仔「玩」：「佢拍《老表，你好hea！》係長髮但後尾會剪，佢一套比一套想試我有幾愛佢！我肥咗4磅，想增肥啲，顯得安仔瘦啲。」浩信則說：「我喺《致》劇幾有發揮，會玩極限運動、攀崖，現實中我畏高，所以要冒險。（要晒身材？）應該要，呢幾年冇啖好食，但安仔減20磅，我都要誠意配合。」

王浩信（中）和譚凱琪（左）及何雁詩在新劇合作。
  • 王浩信（中）和譚凱琪（左）及何雁詩在新劇合作。