展鵬爆有婚數：拎晒啲獎先！
前晚在台慶頒獎禮勇奪「最受歡迎電視男角色」的陳展鵬，接受訪問時直言滿意成績，又指賽果公平，輸給黃秋生心服口服：「可以同秋生一齊提名好開心，收晒貨啦！」提到台上得獎時感性地多謝父親，問到父親對他有何影響，展鵬說：「男人嘅嘢唔使講嘅。（成家？）自己都有諗，但拎晒啲獎先！」完成訪問後，他隨即到電視城外與等待良久的粉絲團見面，讚燈牌愈來愈大，並與粉絲一齊開香檳慶祝。
至於另一視帝熱門黎耀祥雖然失落獎項，但他仍感激《梟雄》監製王心慰挑選自己，憶述在上海拍攝時壓力甚大：「片場早班到晚班都見到佢，有問題發生佢都去解決，佢先係真正嘅梟雄。」
