陳家樂不容有失加操領跑

藝人陳家樂形象健康,吸引不少廣告商垂青,早前獲品牌邀請擔任馬拉松大使,並拍攝一系列廣告,擺出多個型格Pose示人。為求呈現廣告的動感,家樂應攝影師的指示,重複跳高動作,不知不覺間跳了6小時,他事後表示:「自己好投入影好輯相,同事一直喺旁邊都冇提過時間,影完嗰張相講番原來跳咗咁耐,我自己都嚇一嚇,都算係快樂不知時日過!」

別具意義

家樂透露自己亦有參與馬拉松的習慣,對於今次獲邀成為大使,意義重大,他笑說:「今年好特別,能夠應品牌要求,以大使身份去參加,而且更別具意義嘅係我會同埋一班年輕人去跑,感覺上要帶領住佢哋,所以剩番呢一個月裏面我自己都要加操,不容有失呀!」

收「嘜頭水」

電影公司同事為了給家樂驚喜,事前未告知他宣傳照將印在樽裝水包裝上,昨日在經理人安排下,家樂到便利店購物,才驚覺有「陳家樂水」,令他又驚又喜:「完全冇諗過呀,公司一直冇同我提過,我喺便利店見到仲大叫咗一聲!好開心呀,呢個特別版我點都要珍藏兩箱呀!」

文:影視組