陳凱琳心跳130

洪永城(Tony)及陳凱琳(Grace)奪飛躍進步男、女藝員,無綫安排黃翠如揭曉,她說:「唐詩詠,頒獎!」Tony在女友唐詩詠(Natalie)手上領獎後即說:「好多人話我識做主持,我依家係演員!多謝陳展鵬教我做戲,多謝Natalie,如果漏咗返去要跪玻璃!」Tony在後台被問到唐詩詠頒獎是否特別有意義?他說:「特別難忘,聽朝開06,所以攬獎瞓覺!(唔攬女友?)可能佢今晚有獎!」

Grace領獎前,無綫找來曾批她揸槍樣猙獰的黃秋生揭曉,兩人閒聊時,Grace心跳達130!Grace得獎後眼濕濕說:「今晚媽咪喺現場,唔係佢鼓勵,我冇勇氣繼續,多謝TVB。」她在後台被問為何不多謝男友鄭嘉穎?她說:「Overrun!之前我劇出街受打擊,多謝佢鼓勵,佢話屋企電視壞咗睇唔到直播,希望同佢食消夜。(秋生頒獎令你緊張?)我想像唔到呢個情景,成件事都緊張!」