楊崢恨遇飲食情人
名模楊崢昨日為禁毒時裝騷擔任評判，透露近日忙於籌備其飲食新書，剛到美國訪問米芝蓮餐廳廚師：「全部都係自己聯絡，遲啲仲會去埋南美嗰邊，因為嗰邊食物都開始受到大家重視。」此行她還欣賞了麥當娜和Big Bang的show，令她大開眼界！
談到名模好友Rosemary剛剛結婚？她即興奮地說：「佢結婚前兩日我見到佢，已經送上祝福，好替佢開心，（咁你自己呢？）緣分係可遇不可求，如果遇到個真命天子，一定會同大家分享，但依家單身專注工作。」她又笑言若另一半同樣對飲食有研究，相信彼此能更志趣相投呢！