文詠珊等男友送暖：佢一定到！
本月29日生日的女星文詠珊（JM）昨晚出席活動時，透露剛收到劇組通知可多留港一星期才回寧波拍劇，令她驚喜萬分，但正日卻要在寧波工作中度過，不過她揚言男友肯定會到當地探班，大晒甜蜜。
女星文詠珊（JM）、前港姐陳凱琳、名媛李桂蘭與胞姊李麗娟、太子珠寶鐘錶主席鄧鉅明夫婦等昨晚現身「浪琴表香港國際賽事」歡迎晚會，陳凱琳以粉紅色低胸晚裝到場，十分性感，至於JM則密實示人，明顯輸蝕。談到手錶，JM表示大個女才開始有收藏手錶的習慣，並笑言以前買唔起，問到收錶是否比自己買開心？她坦言：「收錶梗係開心。（收過男友送嘅錶？）收過一次，舊年生日送。（只係送過一隻？）一隻都好貴o架！（咁快錫住男友？）我個個都錫，都叫媽咪唔使買畀我。」
提早慶祝27歲
至於本月29日是JM的27歲生日，她透露前日已跟男友吳啟楠（Carl）及一大班朋友慶祝，原本下星期一返回內地拍劇的她收到劇組通知可在港多留一星期，令她大感驚喜，問她可會跟Carl二人世界慶祝？她說：「要拍劇，仲係喺正我生日嗰日開工。（邊度開工？）寧波，好凍，我嗰兩斤羽絨褸都唔夠，會帶定保暖貼。（男友會唔會嚟探班？）唔會唔嚟啩，佢會嚟探班，冇surprise，佢一定到。（收咗禮物未？）未，冇所謂，錶都唔錯，哈！其實人大咗隔籬嗰個人嘅心靈陪伴最重要，夾到有個人陪幾開心，大家工作都忙，關係好健康。」
有共識唔閃婚
問到若男友在她生日當天求婚可會接受？JM揚言不會這麼快：「依家好多人閃婚，但唔會發生喺我身上，雖然冇嘢係一定，但我哋有共識。」另外，JM又表示做生意是其願望之一，以前沒有機會，但現在識到男友可向對方取經：「佢好叻，問吓佢做生意同點樣投資。（一齊做生意？）諗緊。（怕唔怕傷感情？）唔會，反而學到好多嘢。」
同場，李桂蘭透露子女將由英國返港，一家人將到日本東京滑雪度聖誕，而李麗娟會與家人坐郵輪遊台灣。
文：名人組