袁嘉敏拍拖大晒為男友封胸

女星袁嘉敏（Candy）、名媛薛芷倫（Fanny）、汪詩詩和表妹湛琪清、傅明憲（Gigi）、歌手王馨平（Linda）等，前晚出席夜店重新開幕派對，活動還邀請了美國女歌手Ciara到場表演，她表示首次訪港，大讚香港漂亮，其後又大晒語言能力，以普通話說「你好嗎」及「謝謝」，並以廣東話說「1、2、3、4、5」。

考慮被「拆禮物」

為電影一脫成名的Candy，與蜜運數月的比利時及意大利混血男友Kenneth拍拖到場，全程春風滿臉，她透露早前與男友分隔兩地工作，大呻已有兩星期沒有見面，表示對方當晚是來保護自己。問到是否男友監場而衣着較密實？她轉一轉身說：「唔係，我露背（口架），（咁恩愛會唔會閃婚？）冇諗咁長遠，計劃緊聖誕會去旅行，」她續含蓄表示未準備好化身禮物，給男友於boxing day「拆禮物」：「未去到呢個進度，我有買定禮物畀朋友，但未買畀佢，考慮吓。」又大爆男友雖不會過問自己的衣着是否性感，但對於其接拍電影的性感角色表示介意：「佢有問多咗我拍戲嘅嘢，（佢介意你性感？）有少少，大家要磨合，因為大家成長背景好唔同，（有冇叫你封胸？）未傾到呢個話題，（你會為佢咁做？）都會嘅。」

歌手Ciara大讚香港漂亮。	薛芷倫表示生日只跟好友吃飯慶祝。	王馨平（左）與傅明憲結伴出席。

薛芷倫收禮重實際

「Ball后」Fanny表示現時已很少到夜店玩樂，本月10日生日的她透露將有不同慶生飯局，子女亦會替自己慶祝，又謂自己喜歡收實用的禮物，揚言不鍾情收花：「因為唔鍾意見到啲花凋謝同死亡，（所以追求者唔好送花？）送啲實用嘅嘢啦，例如手機、手錶，可以日日都見到。」另Linda表示雖然自己一向很少夜蒲，但亦專誠到來看看此新蒲點內的裝潢；而喜愛潛水的Gigi透露正在學習不同的水底新事物：「例如我學緊喺水底講嘢，同埋依家都有教學生潛水。」

文：名人組