葉世榮6.10開騷 延續家駒愛心
樂隊Beyond鼓手葉世榮昨日宣布鐵定明年六月十日於黃家駒生忌舉行慈善演唱會，並透露早在五月已開始不斷入紙申請紅館檔期，他說：「每一個月都回覆無期，為咗唔想演唱會舉行無期，我已經搵定第二個地方開，不過我都希望如果book咗嗰日紅館檔期，可以讓出嚟，等我完成呢件有意義嘅事。」
繼續游說家強
對於外界一直關注家強會否參與，世榮就表示：「Paul（黃貫中）就一早應承咗，只係差家強，始終Paul和家強分歧唔係三言兩語解決，但一日未開騷都唔會放棄游說家強參與，唔好畀咁大壓力佢，等佢消化吓。」世榮再次強調今次演唱會並非Beyond重組，只係一次性嘅聚會，宣揚同延續家駒愛心。而有指世榮開演唱會為賺錢養家，他說：「我可以講今時今日我唔做Beyond巡迴演唱會，一樣可以安居樂業，因為依家有時間分到身，所以希望做番啲有意義嘅事。講明做善事，到時一定透明度好高，交代善款。」
另家強獲悉世榮鐵定開騷，透過短訊回覆稱有關演出的事宜，他都只從報道得知：「如果真係六月十號開騷，我目前未知可唔可以，因為男人幫巡迴2016年開始，等世榮親自搵我再講。」
文﹕音樂組