江姿鎂電眼追魂鎖宅男
模特兒江姿鎂（Kammy）的爸爸是新疆人，由細到大都被指似混血兒，Kammy表示對雙眼非常滿意，問她有否練習放電？她即笑言放電不需練，她就是「人肉發電機」：「我冇特別練，通常都係人哋話我隻眼有電力嘅感覺，吸引到人！」Kammy又指覺得自己的鎖骨最性感，她說：「好瘦嘅人鎖骨都一定會明顯，我覺得凸出嚟嘅鎖骨係比較性感！」
身材火辣的Kammy表示減肥有苦自己知，因為自己屬於易肥的類型，她說：「有啲人食極唔肥，我好羨慕，不過次次聽到都會好嬲！我覺得自己好肥，所以每一日三餐盡量唔食澱粉質，朝早食生果，晏晝就會豐富啲，同埋依家我食緊個餐單，係一個宇宙食譜嚟嘅，就係將肉同澱粉質分開食。夜晚嗰餐就盡量8點前食，咁就會keep到fit。」Kammy又表示娛圈工作不定時，經常要工作至深夜才回家，但她仍堅持做sit up，因為想練出人魚線！
江姿鎂（Kammy）Profile
身高：1米65
三圍：32C、25、33
年齡：27
簡歷：擔任東網App《馬場Boss》性感秘書之一，曾客串《賭城風雲2》、《同流合污》等電影。