周美欣臨急上鋼管 半股失守

周美欣臨急抱佛腳，不過跳起鋼管舞來卻有板有眼。

前港姐周美欣日前於舞台劇《蒲Pole》大晒火辣鋼管舞技，首次踏台板即擔正女主角的美欣「搏到盡」，全程以低胸透視裙示人，除了盡騷索爆S形身段外，更大展歌喉！然而她於忘情扭腰狂舞期間，卻不慎露出半個Pat Pat，場面頓時變得香艷又性感！

之後美欣受訪時笑稱已穿足四條褲打底，但亦無奈多次走光：「我嘅舞衣係眾演員中最唔性感，其實已着四條褲，但都露pat pat，我綵排時仲太大動作而露底褲邊。（畀人睇蝕？）有男工作人員在場，但都冇辦法！」

儘管穿足四條底褲，周美欣依然露了半股。

周美欣性感示人，大晒S形優美身段。

傷手指撞瘀腳

她透露僅僅學習數小時就要開騷上場跳鋼管舞，故扭傷手指收場：「我學咗四個鐘就要應付六場公演，教練覺得危險要我戴手套去跳，以防捉唔實條鋼管。（受傷？）雙手起枕，轉甫士時仲扭傷手指同撞瘀腳。」然而美欣坦言愛上鋼管舞，所以會繼續練舞：「完騷後會同朋友繼續學，不過我擔心自己太高而跳得唔方便。」提到練鋼管舞會變成「大隻妹」？美欣笑謂不擔心因此嚇跑追求者：「我膊頭闊，都擔心愈練愈大隻。（驚嚇走追求者？）咁唔怕嘅，去玩吓啫，最驚影響工作！」

文：影視組