蘇麗珊從環保轉戰影圈

大學主修環保的新人蘇麗珊（Cecilia），原以為畢業後會投身環保行業，但早前機緣巧合下拍攝首部電影，讓她毅然入行。談到首次挑戰當演員，Cecilia感到有壓力：「我從未接觸過演戲，所以都怕自己演得唔好，幸好電影出到嚟，大家對我嘅評價都幾正面，話我演得幾自然，令我好鼓舞。」飾演「少女版楊千嬅」的她，苦恨無機會與千嬅合作：「其實我之前有睇千嬅嘅戲揣摩佢神情，特別鍾意《每當變幻時》，好可惜今次電影我哋係冇對手戲，希望下次會有機會合作啦！」