邵仲衡踩單車健身

早前憑《大時代》一劇翻hit的邵仲衡(David)身形fit了不少,他直言「頂唔順」以前笨拙的身軀:「自己有段時間係笨重到成日自己整親自己,夜晚去個廁所都可以搞到凌空好似撻沙魚咁仆低起唔到身咁滯,落樓梯又唔自然,慢慢pick up番運動就好好多,肌肉都紮實啲,就算食好多保健食品,唔去做運動嘅話,啲關節一樣唔吸收!」

愛踩單車的David希望香港能大力提倡以單車代步,能夠去到目的地又能同時強身健體,更能減少空氣污染,可謂「一舉三得」:「我最大嗰個細佬仲有參加三項鐵人,當然我玩嗰啲梗係冇咁戰鬥格,但自己住嗰頭都有空間踩吓單車,所以都好鍾意呢項運動。以前比較喜歡汽車同電單車,不過年紀大咗思想成熟咗,依家唔會話揸快車,反而享受機械本身嘅韻律。」

單車:Bike The Moment