盧頌之醉駕反省重新出發

早前因醉酒駕駛而被判120小時社會服務令、罰款三千及停牌一年的靚模盧頌之(Dada),昨日出席鞋履品牌開幕典禮時,指已準備好投入工作:「依家都算係重新出發,之前情緒方面都有啲問題,不過依家已經OK,都出番騷做吓event咁,又做番運動!(會戒酒?)唔會再酒後駕駛!」

而提及現與男友趙勁皓感情狀況時,她坦言二人從未分手:「嗰時畀人話我失戀又失業都幾無奈,不過喺呢件事上佢都有嬲,覺得我好唔成熟,但佢都一直陪我面對!」問到現在有否與同車受傷DJ陳達仁聯絡?她則指對方已封鎖了她。