前Beyond成員葉世榮昨日與馬來西亞樂隊異種樂隊到電台宣傳，世榮曾表示盼明年6月10日黃家駒生忌開慈善騷，他說：「好多紀念騷話紀念，其實忽略咗家駒所教嘅愛心，我哋係要表揚同承傳佢嘅愛心，我先用呢個做主題，希望之後有人搞會針對呢三點。」他會繼續努力游說黃家強及黃貫中：「呢個唔係Beyond騷，我同家強諗嘅一樣，冇家駒嘅Beyond唔係Beyond，但依家難題係個期，我呼籲要6月10日個期嘅人可以讓期。」
