麥浚龍自家品牌一年只出一季

歌手麥浚龍（Juno）前晚出席活動，本身籌備自家品牌的他，首次為電子產品設計服飾配件，他透露近日忙於做音樂及電影等工作，因此其設計暫時只能一年推出一季。工作繁忙，問到女友可有詐型？他笑說：「我自己都詐自己型，所以好想放假，但短期內都冇時間出埠，聖誕都會喺香港。」對於有指他跟周柏豪是叱咤頒獎禮中呼聲最高的男歌手？Juno坦言感到開心，認為是一個額外的喜悅，問他可有留意柏豪的歌曲？他說：「呢一年我都忙緊做唱片同電影，都冇乜留意樂壇消息，嚟緊頒獎禮同我電影前期工作時間差唔多，都有機會去唔到，但如果可以出席，相信都會好有趣。」