吳綺莉露見不平：一向咁嘅size
為人母多年的吳綺莉（Elaine）最近頻頻在活動上谷胸大晒驕人事業線，對比她平時密實的打扮可謂「禾稈冚珍珠」。而Elaine亦多謝節目給予自己着裙的機會：「着晒我咁大個女咁多嘅裙」！
藝人吳綺莉（Elaine）已為人母多年，衣着風格一向低調，但自從加入有線節目《往事‧並不如煙》第二輯，夥拍前亞姐黎燕珊再任節目主持後，不但以婚紗造型上陣節目，早前出席記招時更非常大方地着上晚裝力谷驕人事業線，對比平時可謂「禾稈冚珍珠」。
阿Yu喊足十個鐘
Elaine昨日偕燕珊出席節目記招時，再以低胸晚裝閃爆登場，不過就否認自己有意谷胸，反指因手、腳纖瘦兼晚裝太窄才凸顯效果：「我一向係咁嘅size，真係唔勁，個個着呢件衫都有呢個效果。可能我平時少着，如果搵個真係大嘅企喺我隔籬，就無乜嘢o架喇！」不過Elaine都感謝節目提供着靚裙的機會：「着晒我咁大個女咁多嘅裙。」
黎燕珊亦表示令次的節目會以戲劇及訪問形式播放，透過重演歷史人物的愛情故事與受訪者作對比。而趙頌茹（阿Yu）於節目中重演歷史人物川島芳子，笑言拍攝當日由早上八點哭至晚上六時，更笑嘲自己習慣水腫可以順道靠喊去水。
艾威嗒林靜莉糖
同場的艾威於節目中重演歷史人物戴笠，自爆與對手鍾慧冰囡囡林靜莉四目交投後，有觸電的感覺，笑言：「唔只一見鍾情咁簡單。（同老婆備案？）呢啲嘢經常有，又唔係電到入醫院。」艾威之後更坦言希望可以再與靜莉共演愛情故事：「幾多歲嘅男人都係鍾意18歲嘅女仔。」
文：影視組