藝人王宗堯（圖）前晚於長沙灣出席慈善夜間步行活動，談到他昨午在網上發布行山相，他表示當時與女友黎紀君（Christy）及朋友齊齊行山：「為呢個步行熱定身。（唔帶埋佢嚟？）做嘢吖嘛！一陣都可能試吓蒙眼行10分鐘左右。」
問會否想挑戰失明人士角色，他就表示曾演過視網膜脫落的角色：「會想挑戰，要了解佢哋點樣適應都市生活，仲要令自己隻眼冇咁精靈。」最近愛上攝影的他又謂女友都是攝影發燒友：「身邊嘅人都鍾意影相，一係就好鍾意畀人影。（佢係鍾意畀人影？）都鍾意嘅！」
