葉翠翠恨生女 拒配合老公
藝人葉翠翠及黃榕昨日到尖沙咀出席活動，翠翠透露生B計劃：「我先生已經開始戒食肉，佢話想生仔，我就想生女，所以冇配合，等天意安排。（你老公追到仔先畀你停工？）我計劃生兩個，兩胎都係女都冇法。」她又透露剛續約無綫：「11月續咗約，公司畀好好條件我，其實我都冇諗過走，即使有BB都照開工！」
黃榕則以tube top配高衩長裙晒身材：「我將會推出首支歌曲《Yellow》，切合番我姓黃，我想喺MV入面展露鋼管舞技。（想騎呢吸客？）唔啦，話晒係第一隻MV，但我的確想加啲令人記得嘅元素，例如某啲韓國MV嘅踩界內容，2016年年頭推出，等大家講足一年，哈哈！」