王賢訊做第三任老竇

仁濟副主席王賢訊前晚包場請學生看電影《王家欣》，他直言十分支持港產片，更與該片導演相識多年，自己亦有興趣跟朋友一齊籌備電影。本身育有一子一女的他透露太太懷孕四個月：「湊夠三個，係計劃之內，三個夠晒數，今胎係仔，不過佢都好頑皮，太太今胎佗得辛苦，有嘔。」他表示有告知子女會多個弟弟：「要佢哋每晚要錫BB（媽咪個肚）先瞓。（點獎勵太太？）我嘅愛付出畀家庭，答應咗佢去旅行，想去斐濟，好幾年都冇去旅行。」