陳嘉桓恨添女人味
藝人陳嘉桓（Rose）、林德信及谷祖琳前晚一同出席電影《007：鬼影帝國》預映禮，其中Rose笑言幻想自己是邦女郎，但自嘲不夠成熟及女人味，故要多練習。她又透露明天是其生日，並得戚地說：「都係23歲咋！生日願望係拍拖、結婚、生BB。（想拍多啲拖，變得女人味啲？）都可能係o架！呢輪我幫媽咪湊細佬，依家湊多啲，第時輪到我生B會熟手啲！」
而藝人林德信以踢死兔禮服現身，笑謂想做占士邦，那女友松岡李那是否其邦女郎？他即笑指二人是「好朋友」，雖然還未有結婚計劃，但自言是個想結婚的人，亦想當爸爸呢！至於另一藝人谷祖琳被問到好友何嘉莉低調再婚一事？她即避忌指二人未有時間聊心事；她又透露跟拍檔共投資了七位數字人民幣於成都開設甜品店。
