陳婉衡膽粗粗整形 忍淚變箭豬
無綫36E新咪神陳婉衡（Alycia），日前到韓國首爾拍攝旅遊節目《3日2夜》。Alycia坦言最難忘是嘗試「韓方整形」，但並非開刀或打針，而是接受面部針灸，令面形於短期內變得緊緻。
韓式針灸夠嚇人
Alycia自嘲全塊面被刺滿幾十支針，效果誇張得猶如箭豬一樣，問到感覺如何，她說：「之前試過針灸係針身體，針面就係第一次，因為面部肌肉比較敏感。其實真係幾痛，但又唔可以郁或者畀表情，全程只可以含住泡眼淚死忍！不過效果幾好，呢樣都唔算整容，係自然嘅方法。」
婚攝一流欠Oppa
此外，Alycia為感受韓國的婚攝服務，更換上多套婚紗，當然不忘大晒E Cup養眼身材。她大讚當地服裝及場景一流，美中不足是欠一位有型的韓國Oppa做新郎：「韓國款嘅婚紗係全手工，細緻位都好靚，影出嚟感覺年輕同繽紛，但如果第時我影婚照會想去啲山區瀑布，因為我本身鍾意大自然。（覺得件婚紗好性感？）影相唔介意，但第日婚宴會密實啲，因為我粗魯驚走光。」
文：影視組