溫拿樂隊近日爆出解散傳聞，五虎均不願透露是誰提出散Band，但謎底終於解開！昨晚五虎齊齊現身晚會，譚詠麟（阿倫）踢爆彭健新因愛犬OK仔過世備受打擊，忍痛提議散Band！面對有關傳聞，阿倫口講不會影響眾人友情，但坦承心中有刺！

本報獨家披露成軍42年的本地殿堂級樂隊溫拿，明年2月合體完成紅館演唱會後有意正式解散，消息一出即掀起全城熱話，昨晚溫拿五虎譚詠麟（阿倫）、鍾鎮濤（阿B）、彭健新、陳友和葉智強齊人現身藝能集團三十周年慶祝晚宴，同場藝人還有溫碧霞（Irene）、黃伊汶、洪金寶、陳百祥夫婦、鄺美雲、李克勤、王晶等人，晚宴筵開一百廿三圍，場面盛大。

阿倫、阿B、健仔和阿強受訪時，陳友因要趕住擔任頒獎嘉賓而分開受訪。對於散Band傳聞，到底是誰提出？阿倫說：「我點都唔會講，我一開始就反對，其他就唔講啦，總之見步行步，做咩決定我哋都要一致通過，特別係咁大嘅決定，有一個唔鍾意或唔開心都唔好。」之後他即把話題轉移到有極大嫌疑提出散Band的健仔身上：「佢愛犬OK仔過世對佢有啲打擊。」問到健仔是否真的因而很不開心？他欲言又止，最後終承認是他提出：「係有輕輕掂到一掂個（散Band）決定，之後收到好多責罵。」阿倫則指部分同事提出散Band決定沒有經過大腦，但他會一直給予鼓勵。

阿B坦言見到此狀況，排演唱會流程時很心噏：「仲幾乎喊出嚟，要深呼吸先可以繼續。（真係解散？）我哋仲要食，要玩幾時都有得玩。」是否演唱會後會有定案？阿倫說：「希望盡快，自己諗起都唔鍾意，個心都有條刺。（影響友誼？）絕對唔會，就算將來點樣，我哋都會再聚。」

至於分開受訪的陳友則表示世界有自然規律：「的確有人提起過（解散）。（你意願？）識行、識走、郁得就繼續做，生命係天畀，藝術生命就係觀眾畀，但做得幾長得幾長。（你反對散Band？）好反對。」另外，五人大合照時，阿倫主動叫健仔企中間，並暗寸謂：「你依家係焦點呀嘛！」令健仔一臉尷尬。至於中門大開的Irene真空上陣，雖然她未聞溫拿傳出解散之說，但謂溫拿是大家心中的回憶：「唔捨得佢哋解散，覺得可惜，不過可能佢哋有自己想法、家庭生活同計劃。」

文：音樂組