岑麗香短髮上陣男友讚OK！
無綫新劇《火線下的江湖大佬》演員鄭則士（Ken）、岑麗香、陳煒、黃光亮、陳山聰等昨日在將軍澳電視城試造型，苑瓊丹因工作缺席。香香將留了多年的長髮剪短以新形象拍劇，她說：「上次咁短頭髮已經係12歲，短髮幾好呀，容易打理。（男友鍾意長定短髮？）睇角色需要，有畀佢睇過，佢都話ok。」香香在劇中飾演鄭則士的女兒，與苑瓊丹、黃光亮等前輩有不少對手戲，她笑說：「睇過黃光亮喺《老表，你好hea！》做神父就冇咁驚，佢都好有幽默感。」
鄭則士黃光亮鬥爆粗
鄭則士三年後再返無綫拍劇，說到之前傳高層曾勵珍權力被架空致《火》未能開拍，現在新劇開工謠言不攻自破，鄭則士說：「傳聞成日有，我哋呢啲小演員唔理啦，公司有程序，唔會咁兒戲。」講到有藝員外闖，鄭則士說：「離開都有佢哋道理，市場需要，搵真銀咪畀人搵，呢個圈冇永遠敵人，亦冇永遠朋友，合作講機緣，好多出咗去依家都返嚟。」與黃光亮首次合作的鄭則士，被問可擔心對方失言爆粗？他笑說：「我驚我都會講。」
而陳煒在劇中飾演鄭則士老婆，更是以前江湖大佬黃光亮的情婦，她笑說：「同Ken哥廿年前合作過，嗰陣做佢細妹，依家變咗做佢老婆，你話做男演員幾好呢。」
文：影視組