周柏豪連詩雅向內地進軍

蕭定一近年在娛樂事業上大展拳腳，由他出任主席的中國3D數碼娛樂有限公司（中國3D）繼早前與周秀娜所屬公司GME合併，以及於北京跟愛奇藝合作開拍電影和推出電影產品外，昨日就宣布與Starz Holdings Limited（種星堂）訂立買賣意向書，擬以660萬港元現金及700萬港元集團之可換股債券，收購經理人公司共40%股權。該經理人公司旗下的藝人包括周柏豪、連詩雅和陳瀅等。蕭定一表示︰「藝人管理係中國3D數碼嘅主要經營業務之一，今次收購股權後可以令集團旗下藝人嘅陣容成為香港業界最強之一，從而擴大藝人管理業務喺大中華地區嘅發展空間。另一方面亦為集團喺電影角色方面注入新血，可以令原本所屬呢間公司嘅藝人演藝事業更上一層樓，亦有助集團製作嘅電影娛樂發展更具優勢。」

老闆承諾唔會變

而被蕭定一公司收購股權的經理人公司旗下藝人周柏豪與師妹連詩雅（Shiga），昨日齊為腕錶品牌TUDOR活動擔任嘉賓，問到兩人對於中國3D購入了他們所屬公司40%股權一事，柏豪說：「我嘅角色係公司旗下藝人同歌手，老闆有講過呢件事，有派定心丸畀我哋，話公司唔會有任何改變，今次係公司同公司合作做生意，人事同行政都唔會有變動。自己喺公司已經10年，當咗係屋企咁，有咩頭暈身熱返到公司就會冇事。（可以開拓電影市場？）現階段唔知，我所有工作等公司安排。」

6位數錶獎勵自己

而Shiga亦表示老闆跟她說同一番話，問到她今次收購行動是否對她發展有利，因可發展內地市場，她說：「其實有機會去邊度發展，自己都會努力去把握。」兩人在活動上又演繹新款腕錶，柏豪表示送過價值6位數字的腕錶獎勵自己，而Shiga就送過價值5位數字的腕錶給自己和媽咪。

文：名人組