千嬅囝囝 跳舞有天分
楊千嬅與新人蘇麗珊、游學修前晚出席「香港亞洲電影節2015開幕禮」活動。談到日前一家人出席了郭富城50歲的生日派對，有指兒子Torres見到郭富城緊張到手心流汗，千嬅表示Torres當日參加了兩個生日會，下午個小朋友生日會同晚上嘅「成人版」唔同而嚇窒：「下晝有公仔，點知夜晚冇晒童話感覺，啲人又高大又拉紙炮，嚇到成個人彈起囉！」
楊千嬅表示Torres很喜歡睇郭富城跳舞：「自己排舞時囝囝都有跟排舞師Sunny學跳舞，我諗佢有啲天分。」提到丁子高曾跳唱快歌《寒冰掌》，笑問父子倆哪個舞功較叻？千嬅力撐老公：「其實我老公真係識跳舞o架，唔知個導演點搞cut晒。」楊千嬅又坦言介意Torres做童星，因不忍心讓兒子辛苦。