龔柯允怕肥偷食Cupcake
馬來西亞歌手龔柯允（Karen）外形甜美，原來私下她十分愛食甜品，但她謂因做歌手要保持身形，故要忍口不能食太多甜品，但有時又很想獎勵自己，故惟有選擇一些不太甜的甜品，其中她就特別愛食此間餐廳的Cupcake，因為不但能過口癮，又可以食極唔肥！
Karen表示這裏有數款Cupcake，她最愛手上拿着的紅絲絨杯子蛋糕（Red Velvet Cupcake），賣相吸引之餘，最重要是食完不覺膩：「通常啲Cupcake好甜好膩，但呢間嘅Cupcake唔單止造型好靚，而且唔會膩。好似呢個Red Velvet Cupcake，佢個cream cheese好滑，質感唔會太乾，有少少濕濕哋，味道比較特別，同出面啲Cupcake唔同。」而藍色的是餐廳主題Cupcake，配合餐廳「陽光與沙灘」的主題，她說蛋糕是雲呢拿味：「會甜少少，但食落好香，都唔太膩，同埋造型有用糖漿整嘅貝殼，好精緻！」
她亦大讚啡色的伯爵茶味Cupcake很香，口味清新。
場地：Seas Ahoy