Raf Simons辭任Dior 馬錢慧儀不感意外
超級品牌Christian Dior前日突然宣布品牌創意總監Raf Simons因為個人因素而辭任，結束三年半的合作關係，而他於本月二日在巴黎上演的2016春夏時裝騷成為他為品牌效力的告別作。消息一出，震驚整個時尚界。
不過，曾有看過其告別作的名媛馬錢慧儀對此並不感意外，她解釋：「我好熟悉佢嘅背景，佢雖然好有天分，但佢唔擅長繪圖，佢嘅法文唔係太好，唔能夠好直接咁話畀人聽佢嘅設計方向，好難將佢嘅構想變成作品，喺巴黎好難立足，我覺得佢走都係遲早嘅事。」
郭慶彬感可惜
至於本地著名形象指導郭慶彬對其離任大感可惜：「佢本身嘅風格同品牌好唔同，但難得依家愈嚟愈多人接受佢嘅設計，對佢離職真係覺得愕然同接受唔到。」
至於下任接班人亦成為眾人焦點，有指Givenchy創意總監Riccardo Tisci及Loewe創意總監Jonathan Anderson均是熱門人選。