陳展鵬蟬聯星和視帝 汪明荃封后
「星和無綫電視大獎2015」今日於新加坡舉行，昨日多位藝人鍾嘉欣、陳凱琳、胡定欣、岑麗香等出發該地出席頒獎禮，據知今年「星和」視帝、視后將由陳展鵬及汪明荃奪得，而蟬聯的展鵬更將之前的沒獎攞、沒劇拍的不實報道打破。
無綫台慶頒獎禮將於十二月十三日舉行，之前都會有不少視為前哨戰的頒獎禮，當中包括今日於新加坡舉行的「星和無綫電視大獎2015」。據知陳展鵬繼上年奪得此頒獎禮的「我最愛TVB男主角」後，今年成功蟬聯，憑劇集《張保仔》與憑《華麗轉身》的汪明荃齊齊榮登星和視帝、視后。陳展鵬昨日接受訪問時坦言若然真的先拔頭籌當然開心，之前有報道指他沒獎攞、沒劇拍，展鵬謂：「證明之前啲報道傳聞都係假，年年頒獎禮都有信心，新加坡係自己一個好欣賞嘅地方，如果可蟬聯，佢哋同樣欣賞我嘅演技，當然開心。我都好多謝監製、編審同珍姐（曾勵珍）。」
翠如拍拖攞獎
戲內戲外都是一對戀人的蕭正楠及黃翠如，就奪得「我最愛TVB螢幕情侶」，二人更分別奪得「我最愛TVB電視男、女角色」獎項，翠如昨日生日，雖然男友蕭正楠正於澳門拍劇，未有一起慶祝，但翠如昨日謂：「攞到呢個獎就當係畀自己嘅生日禮物，今晚同屋企人食飯，聽日喺新加坡都有幾個鐘頭見到佢。（望唔望多啲工作、廣告一齊拍住上？）我哋未試過一齊拍廣告，都好希望有機會！」
陳凱琳冇信心
此外，鍾嘉欣、陳凱琳、胡定欣、岑麗香、鄭少秋及楊怡昨日都出發到新加坡，鍾嘉欣被問到可有信心奪視后獎時，她說：「獎項唔重要，最緊要觀眾鍾意劇集，自己反而睇好阿姐嘅《華麗轉身》。」至於陳凱琳有份角逐新人獎，但坦言沒信心：「今次第一次參加頒獎禮，有機會行紅地氈，夢想成真。（點解冇信心？）覺得自己麻麻哋，自己睇好朱千雪、黃心穎，佢哋發揮得好好。」而有份競逐「女配角」岑麗香則表示平常心對待，感覺像去派對一樣。
文：影視組