陳瀅生日食10個蛋糕

宅男女神陳瀅（Jeannie）前日26歲生日，連日來獲大批好友、同事及工作人員慶祝生日，三日內狂食十個蛋糕。前晚好友何雁詩、劉佩玥（Moon）及蔡思貝開工後漏夜為她開P，陳嘉寶、賴慰玲及A2A的大Ann、細Ann則於大前晚送驚喜，但合照都幾乎是全女班，似乎Jeannie怕有緋聞而謝絕異性埋身。
何雁詩（左一）、劉佩玥（左二）和蔡思貝（右一）為壽星女陳瀅慶生。
何雁詩（左一）、劉佩玥（左二）和蔡思貝（右一）為壽星女陳瀅慶生。

問Jeannie有何生日願望？她謂：「首先係食極唔肥，另外事業上想繼續有突破，最想係同古天樂拍愛情片，同周柏豪合作MV，明年亦可能再出新書。（冇男仔乘機獻殷勤？）冇咩特別，我唔心急拍拖。」

賴慰玲（右二）、陳嘉寶（右一）及A2A成員（左一、二）為陳瀅送上驚喜。
  • 賴慰玲（右二）、陳嘉寶（右一）及A2A成員（左一、二）為陳瀅送上驚喜。