莊思敏（Jacquelin）和沈震軒（Sammy）在新戲中被鬼嚇餐飽，其中身為「過來人」的莊思敏就為免再次「惹火上身」，就戴定珠鏈趨吉避凶！而兩人早前接受東網電視《娛樂onShow》訪問，談到在新戲中演情侶，但現實中就沒可能發展。

莊思敏和沈震軒在電影《碟仙碟仙》中齊齊「撞鬼」，雖然Jacquelin曾拍攝以鬼為題材的電影，但她指今次才真正涉獵鬼片：「今次由頭驚到尾，好緊張，同之前拍嘅係兩樣嘢嚟！」她又自爆現實中有豐富靈異經歷：「細個時唔識死，碟仙、筆仙、銀仙、乜仙都玩晒，每日都有接觸。」最後她見朋友「玩出火」，所以沒再接觸，直至拍攝才「破戒」：「如果身上有符、有玉器都係請唔到，所以拍時都要求戴條珠鏈，雖然服裝指導唔係太贊成，但自己好堅持，起碼心安理得。」

首次拍鬼片的Sammy未體驗過靈異事件，亦擔心拍戲時「開齋」，他謂：「有一場講我哋玩碟仙，四個人一齊喺間房，都驚會唔會中招。Jacquelin話好專心先會請到，所以我好專心拍戲，但唔專心咁玩碟仙。」

有指陸駿光拍攝中途又暈又嘔，Sammy又陰陰笑，Sammy指當時自己已筋疲力盡，並自辯說：「我拍到連表情都冇呀！」

另外，Jacquelin和Sammy早前接受東網電視《娛樂onShow》訪問，與主持陳振安談到拍新片的點滴，兩人說今次演情侶，但現實中已認識逾十年，即使傳過緋聞，都沒可能發展。

文：影視組

場地：A.M.503 Studio

莊思敏服裝：MAGinshop.com

沈震軒化妝及髮型：Janice Chan