蕊蕊整騎呢曲奇 鄧詠雪硬食

萬聖節就嚟到啦！組合HunterZ成員蕊蕊及鄧詠雪（Suetzi）就趁着佳節前夕，穿上暗黑系服裝到樂園大玩特玩，兩位少女雖然看似嬌滴滴，但其實膽大過人，面對「遊魂野鬼」大感興趣，更主動上前要求與他們合照，並大呼過癮！原來兩女每年對萬聖節都特別隆重其事，當日更會刻意打扮與朋友大玩特玩，蕊蕊說：「因為可以趁呢個節日去扮嘢，又可以約朋友去玩。每年都好滿意自己嘅打扮，扮過小蜜蜂、小紅帽、殺人護士。」蕊蕊表示今年將會與Suetzi度過，但講到「角色」方面就未有頭緒：「真係未諗到，因為真係太多選擇，因為坊間太多服裝同化妝技術可以扮到。」

冇人敢提咩味

而同樣對萬聖節情有獨鍾的Suetzi，則表示將會角色扮演，更會下廚整應節食物：「會呀，都想整吓cup cake，南瓜主題應吓節。」Suetzi更自爆去年收到蕊蕊親手所整的「萬聖節曲奇」，令她十分難忘：「蕊蕊舊年整咗塊曲奇話係for萬聖節，嗰塊曲奇係無形狀嘅。（味道係點先？）好食！」

鄧詠雪爆蕊蕊送萬聖節曲奇，令她一試難忘。

二人預告今年萬聖節會玩角色扮演。

蕊蕊聞言即澄清說：「我澄清係試整嘅，其實我喺屋企搓咗啲麵粉，諗住焗咗先，因為焗要用好多時間，想睇吓個效果先。（咁試整又派畀人？）外表唔重要，內涵先係最緊要，所以最醜樣就係畀咗佢哋，好睇就送畀其他人。（其他人點講？）冇人有Feedback，大家都係覺得好靚，但味道方面就冇人講。」

文：專案組

攝：嚴偉國

場地：香港迪士尼樂園