歌手J.Arie到電台宣傳新歌《你死我活》，她指這是葉念琛的新片插曲：「今年我暫時得呢首歌，年尾嘅頒獎禮我冇諗啦！」
談到主演的電影《死開啲啦》，她說：「呢啲經驗對我嚟講已經賺到。（票房好似未如理想？）係有少少唔開心，林家棟叫我唔好咁計，起碼套戲嘅口碑好好，希望之後多啲觀眾入場支持，我爹哋媽咪都好捧場，佢哋已經睇過兩次。（媽咪點睇你喺戲裏面講粗口？）佢覺得好驚喜囉！」
