王宗堯戀情大過天 懶理粉絲走晒
藝人王宗堯、鄭欣宜及邵仲衡，昨日出席行山活動。帶埋相機影靚景的王宗堯，被問到有否為女友黎紀君影相？他表示：「佢都鍾意影相，互相影。」他笑言公開戀情後令粉絲「走晒」，但卻覺得對於拍拖更為方便：「收埋仲難，成日喺屋企咩！（唔怕被影？）唔怕。」
鄭欣宜就自爆行山怪癖：「行完上去會搭的士返屋企。（唔行返落嚟？）對膝頭哥唔好吖！」提到爸爸鄭少秋曾表示想在《Sunday靚聲王》中合唱，她不但讚好，更謂多年前曾與爸爸同台演出：「十幾歲嗰陣，試過喺EYT周年慶唱歌排舞，依家唔會想睇番嗰啲。同爸爸一齊做嘢幾得意，而且我都未上過《Sunday靚聲王》。」