何猷君「自揭」兩召妓 遭麻省同學大整蠱

梁安琪對何猷君十分信任，不相信兒子有越軌行為。

何猷君昨下午急急澄清被人大整蠱，身在美國就讀麻省理工學院的他以電話回覆說：「美國呢邊依家凌晨四點幾，原本瞓緊覺，收到好多人電話，成個人醒晒，我係畀人入咗我ig，冒我名寫，好明顯唔係我，我唔會咁寫。」他表示知道入侵者是誰，他憤然說：「嗰個死人friend，佢醒我都唔笨，佢留低咗證據，我知係佢。」問他是否曾經整蠱人而遭受報復？他直認不諱說：「梗係，MIT最鍾意整蠱人，出晒名，我哋學校鍾意玩騎呢，經常被人入侵fb和微信，但係ig係公開，我唔會同人講爸爸係邊個，佢哋冇諗過咁玩可能有嚴重後果，（嬲對方？）睇吓點先，希望唔會有太大話題，唔排除會嬲。」猷君之後在ig澄清：「我戶口給一個MIT朋友給Hack了！各位請冷靜！」試圖為事件降溫。

• 何猷君的ig被寫上召妓自白的句語。